شوفوا شعري شحلاته

بسم الله الرحمن الرحيم

انا استويت ديناصورة باركولي

والله حسيت بهالاحساس يوم دشيت الجامعة

من بين كم امممممممممم

قولوا كل كلاس ربع البنات بس متحجبات

ونص بف وقصة

والربع الباقي موفرات على عمارهن يالسات بليا شيلة

السؤال اللي يتبادر لذهني وين اخوانهم عنهم !!!

قلت اكيد مايدروبهم او يمكن مالهم اخوان كل شي جايز

بس قبل يومين وانا اركب السيارة فديته ابويه ادعوله بطولة العمر هو يمر علي ويوديني

المهم ولا اشوف وحدة من بنات كلاسنا اللي فارة الشيلة على جتوفها وفالة الشعر

اخوها مار عليها وعادي عنده !!!

وانا ويهي

قلت فخاطري وينهم اخواني عيل انا يضاربوني عالجحال اذا ظهرنا المول واذا تمكيجت تغشي

صح في البداية اعصب واقول معقدين بس عقب افكر فكلامهم واقول صح

انا ليش اتزين واتكشخ وانا طالعة المول ؟؟

انزين ربي بيكون راضي عني ؟؟

يا ترا اذا واحد شافني بنظرة فيها خبث

انا ما بتآثم ؟؟

يا بنات يا حبيباتي

قبل ما تفكرون بابوكم امكم اخوانكم

فكروا برب العباد

باي ويه بتقابلونه يوم القيامة

وانتن مظهرات شعوركن !!

اذا الصحابة رضوان الله عليهم

كانوا يبكون خوفا من عدم دخول الجنة

فما بالكم بنا نحن !!

تذكروا هالشي دايما

انتي وردة فلا تفسديها بالفتن

وهمسة لكل شاب

شوف خواتك واذا كنت انت فرررري تذكر ان هالفررري مايمشي يوم القيامة

ترا السالفة شيلة تنلف عالراس وتستر وبس

والسموحة عالقصور

بقلم متلثمة بعلم زايد

الله يطول في عمر ابوووج ويطول في عمره ويطول في عمره ,, دام يايب ورده مثلج تعطينا من رحيقها ونشم عبيرها في مواضيعها ,,, ابوج ما يايب متلثمه صدق يايب ورده ,,, موضوع قمه في الرووووعه ,,, المشكله يا متلثمه ان هاللي صاير تشوفينه في اي مكان ,, واحس باحساسج ننقهر صح ومب بس جي نشفق عليهم ,,, لانهن يتكشخن حق الشباب والمشكله الشباب يعلقوون على اشكالهم واااااااااايد ويضحكون اللي يقول مهرج واللي يقول برج دبي واللي يقول برج العرب واللي يقول بطه ,,استوو شرات الكاميرا الخفيه البنات يمشون يستعرضون والشباب طايحين ضحك وتعليق عليهم ,,,,,,,,

انا اعرف وحده كاااااااامله الجمال والكمال لله , جميله بس محد يدانيها ومب ماخذه من الحلا حصه يعني ما تنبلع وفي وحده كانت تبي تخطبها حق ولدها ويوم يت تراقبها غيرت رايها لانها شافت ان هاي البنت تسلم على كل الشباب وتدق سوالف وياهم ,,,,,,,, وتناست ان احلى مافي البنت حياءها واخلاقها وسمعتها
, المهم شو كانو يقولون الشباب ؟؟ بطه ؟ برج دبي والعرب ؟؟؟ ستوينا حيوانات واشيا متجمده ونحن بعدنا في شبابنا ! لو كبرنا شو بنصير ؟؟؟
ليش ما نصير موسوعه او دكاترة او مهندسين ,,,,,,,, هالفرصه ما سمحت لاجدادنا انهم يصيرون دكاترة وعلماء ,,, لكن الحين كل شي مسموح ونشكر ربنا ,, ان مسموح لنا الدراسة والسواقه وكل شي نباه ,,,,,,,,,,,,,,,,, والظاهر هالبنات يوم عطوهم العسل كلوه كله ,,,,,,,,, يعني مصخوووها

يمكن بديت ادش في موضوع ثاني من القهر خخخ يلا ما عليه خلوني انسحب من الموضوع احسن لي ,,,,, نراكم في موضوع لااااااااااحق
والف شكر لكاتبه الموضوع المبدعه

السلام عليكم والرحمه

والله انج مميزه ومواضيعج قمه في التميز والابداع

والله كل كلمه قلتيها انتي واختي حماموه صح

الله يهديهن

والله قهرررررررررررررررررررررر صج يقهرونييييييييييي

انا ما اقدر ازيد على كلامكم << نفس الراي

وتسلمين غناتي متلثمووه صج انج مبدعه بمعنى الكلمه ^^

كل الود لج