موضوعج حلو وحساس اختيه بنت العرب
انا راح اتكلم من منظور ثاني
شوفي أنا ما أنكر إن الهنود أذكياء وأصلا اي تخصص صعب عليج بتحصلينه في البنت والهند دولة كبيرة وتضم مئات الديانات واللغات والعادات والتقاليد فمب كل اللي فيها مثقفين او متعلمين
فإذا يينا نتكلم عنهم لازم نفصل بين الفئة المتعلمة والفئة الغير متعلمة منهم
في منهم فئة متعلمة وتشتغل عندنا سواء في الاعمال المكتبية وغيرها
واما الفئة الغير متعلمة فهم يشتغلون سوائقين ومزارعين وعمال بناء وغيرها
الاحترام اكيد شي مطلوب من الكل وللكل بمعنى نحن كلنا لازم نحترم الكل كل شخص سواء كان هندي او غيره
وهالشي مفروغ منه
بس الشي اللي انا ضده انه الهنود يلعبون في بلادنا لعب ونقول انهم هم اللي بنوا البلاد وهالشي غلط مليووووووون بالمية
هم بنوا مقابل فلوس ما بنوا ببلاش وتدرين هالرواتب اللي يحصلونها عندنا ما بيحصلونها في بلادهم لو بعد مليون سنة
انا ما اتكلم من ناحية تكبر او شي لا بس هم عايشين حياتهم في بلادنا يعني تشوفين شوارعنا ما يحلمون بها في بلادهم فمثل ما هم يسوون في البلاد فالبلاد تعطيهم من خيرها
والدليل ان نسبة الهنود في الامارات 60 بالمية لو ما كانت بلادنا خير لهم جان ما كانت هالنسبة منهم موجودة عندنا
وكل هالجنسيات اللي تشوفونها ما بتحصلونها اذا صار للبلاد شي لا سمح الله محد بيدافع عن البلاد غير عيالها يعني الهندي يعرف متى اليوم الوطني يعرف شو يعني الامارات لااااااااا طبعا ما يعرف غير انها مكان بيشتغل فيه
يعني ياكلونا ويذمونا وانا مايبت هالكلام من عندي انا اسافر الهند ومعاشرة مهندة وعارفة هم شو تعنيلهم الامارات وفي النهاية هاي بلادنا اذا الناس مااحترمونا فيها وخافوا منا عيل وين بيحترمونا ؟
*وعالعموم ترا انجلبت الحالة احينه صاروا الهنود هو اللي يسبونا ويصوفونا بالقذارة * عزكم الله